रायपुर.15। एसो के रक्षाबंधन यानी राखी तिहार म भाई मनके हाथ म दीदी मनके बनाये राखी ह शोभा पाही। राखी बनाये के बुता ल अब गांव-गांव के समूह के महिला मन बने जोर देके करत हाबे। ये दिखे म बने दिखथे अउ दाम तको कमती हावय।
एसो कोरोना राई के सेती कतकोन सहायता समूह के दीदी मन अब बाजार ले दू दू हाथ करे बर तइयार हाबे। सिजन के मुताबिक कभू दीया, कभू रंगोली, कभू रंग अऊ अब राखी। राखी ले आदमनी के साथ स्वदेशी सामान ले लोगन जुड़ही अइसे भी कहे जा सकथे। ये साल तो राखी बनाये बर कोण्डागांव जिला के बिहान दीदी मन बने भिड़े हाबे, 10 समूह के 20 महिला मन रोजे काम करत एक दिन म 500 राखी बनावत हाबे। ये राखी मनके कीमत 5 रूपिया ले लेके 50 रूपिया तक हावय। समूह के दीदी मन बांस, फूल, पत्ती अउ रेशम डोरी ले आनी-बानी के राखी बनावत हावय जानके अभी ले कतकोन न आडर देके तको राखी बनवात हाबे। बिपत के बेरा अब लोगन मन कतकोन जिनिस के उपयोग अब अपने घर म बनाके करत हाबे, येकर ले सामान म भरोसा रिथे अउ दाम तको कमती परथे।
आगू पढ़व ...
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।