नवा बने जवाहर बाजार म बैपारी मनला मिलही मालिकाना हक, गोल बाजार ल तको बनाये के योजना

अंजोर
0
रायपुर.06। नगरीय प्रशासन अउ श्रम मंत्री डॉ. शिवकुमार डहरिया ह मालवीय रोड के नवा जवाहर बाजार म 14 बैपारी मनला मालिकाना हक के चाबी सौंपिस। जुनना अउ जर्जर दुकान टोरके जवाहर बाजार म नवा-नवा दुकान बनाये गे हाबे। रायपुर स्मार्ट सिटी लिमिटेड कोति ले ऐतिहासिक स्थल म जवाहर बाजार व्यवसायिक परिसर सह पार्किंग निर्माण करे गे हावय। नगर निगम के स्वामित्व वाला लगभग 71 दुकान बने हावय। जानबा होवय के स्मार्ट सिटी के महत्वकांक्षी परियोजना के तहत जवाहर बाजार के निर्माण लगभग 24 करोड़ रूपिया म होए हावय। नवा स्वरूप म इहां 2433 वर्ग मीटर म आवश्यक अधोसंरचना जइसे सड़क निर्माण, नाली, पार्किंग आदि के निर्माण होए हावय।

ये मउका म मंत्री डॉ. डहरिया ह किहिन के नवीन जवाहर बाजार रायपुर ल मॉडल अउ आकर्षक बाजार के रूप म विकसित करे जाही, भू-तल अउ प्रथम तल म दुकान आबंटन के साथ ही दूसरइया अउ तिसरइया तल म तको आकर्षक दुकान बनाये के योजना म विचार करे जावत हावय। डॉ. डहरिया ह महापौर अउ संबंधित आधिकारी मनला राशि अंतरित होए के बाद तत्काल नामांतरण के प्रक्रिया पूरा करे के निर्देश दे हाबे। ओमन आगू रायपुर के गोल बाजार ल तको व्यवस्थापन करके ओकर ले बने अउ सुविधाजनक बाजार के रूप म विकसित करे के योजना बताइन। ये मउका म नगर निगम रायपुर के महापौर, सभापति अउ एमआई सदस्यब मनके अलावा आन पार्षद अउ बैपारी मन उपस्थित रिहिन।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !