अन्य पिछड़ा वर्ग विकास प्राधिकरण म विधायक दलेश्वर साहू अउ अनुसूचित जाति विकास प्राधिकरण म भुवनेश्वर बघेल अध्यक्ष होही
रायपुर.15। छत्तीसगढ़ म संसदीय सचिव मनके नियुक्ति के बाद अब आयोग, निगम, मंडल अउ प्रधिकरण मन म तको अब प्रक्रिया सुरू होगे हाबे। प्रदेश के मुखिया श्री बघेल के आधिकारिक ट्वीटर ले मिले आरो के मुताबि अब येमा मुहर लगना तको सुरू होगे हाबे। जानकारी के मुताबिक छत्तीसगढ़ राज्य ग्रामीण अउ अन्य पिछड़ा वर्ग विकास प्राधिकरण के अध्यक्ष पद म डोंगरगांव के विधायक दलेश्वर साहू जी अउ उपाध्यक्ष पद म रायगढ़ विधायक प्रकाश नायक जी, चन्द्रपुर विधायक रामकुमार यादव जी के नियुक्त करे गे हाबे।
अइसने अनुसूचित जाति विकास प्राधिकरण के अध्यक्ष पद म डोंगरगढ़ विधायक भुवनेश्वर बघेल जी के नियुक्ति होए हाबे। साथ ही सरायपाली विधायक किस्मत लाल नंद जी अउ सारंगढ़ विधायक श्रीमती उत्तरी जांगड़े जी ल अनुसूचित जाति विकास प्राधिकरण के उपाध्यक्ष नियुक्त करे गे हाबे। प्रदेश के मुखिया ह अपन आधिकारिक ट्वीटर ले विधायक महोदय दलेश्वर साहू, प्रकाश नायक, रामकुमार यादव, भुवनेश्वर बघेल अउ श्रीमती उत्तरी जांगड़े मनला बधाई अउ शुभकामना दे हाबे।
छत्तीसगढ़ राज्य ग्रामीण एवं अन्य पिछड़ा वर्ग विकास प्राधिकरण के अध्यक्ष पद पर डोंगरगांव के विधायक श्री दलेश्वर साहू जी तथा उपाध्यक्ष पद पर रायगढ़ विधायक श्री प्रकाश नायक जी एवं चन्द्रपुर विधायक श्री रामकुमार यादव जी को नियुक्त होने पर बधाई एवं शुभकामनाएं।— Bhupesh Baghel (@bhupeshbaghel) July 15, 2020
कोई टिप्पणी नहीं:
एक टिप्पणी भेजें
जोहार पहुना, मया राखे रहिबे...