सांसद सरोज पांडेय के चिट्ठी के जवाब म सीएम बघेल किहिन पूर्ण शराबबंदी जरूर होही, एक राखी पीएम ल तको पठो दे बहिनी

अंजोर
0
रायपुर.23। भाजपा के राष्ट्रीय महामंत्री अउ राज्यसभा सदस्य सुश्री सरोज पांडेय ह छत्तीसगढ़ म पूर्ण शराबबंदी के मांग करत प्रदेश के मुख्यमंत्री श्री भूपेश बघेल ल चिट्ठी पठो के रक्षाबंधन के मउका म वादा निभाये के बात कहे हाबे। सुश्री पांडेय ह लिखथे के आपमन अपन घोसना पाती म दाई-बहिनी मनले शराबबंदी के वादा करके सत्ता पाये हाबव। ओमन आगू छत्तीसगढ़ के तीज तिहार के ओढ़र म बहिनी मनला शराबबंदी के भेट देके मांग करत सीएम ल रेशम डोरी संग रोली, अक्षत तको पठोय हाबे। 

सांसद सरोज पांडेय के पाती के जवाब म सीएम श्री बघेल ह ट्वीट करके केहे हाबे के बहिनी आज तोर भाई भूपेश वादा करत हाबे के छत्तीसगढ़ म पूर्ण शराबबंदी होके रइही, हम सब येकर तइयारी म लगे हाबन।

ये मउका म ओमन पूर्व मुख्यमंत्री डॉ. रमन सिंह के बारे म तको किहिन के 15 साल तक वादा तोड़ीस, आपके बात नइ मानिस। 

बहिनी, मैं एक आग्रह अऊ करत हवं के एक राखी अपन भाई नरेंद्र मोदी जी ल तको भेज दें अउ ओकरो ले वादा करवा के देशवासी मनले करे सब्बो वादा ल पूरा कर सकें।


एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !