महासमुंद.01। भारत सरकार मानव विकास मंत्रालय डहर ले राष्ट्रीय शिक्षक पुरस्कार-2020 खातिर ऑनलाईन आवेदन करे जाही। जिला शिक्षा अधिकारी ह बताइस के पात्रता धारित अउ ईच्छुक शिक्षक ह भारत सरकार के वेबपोर्टल म जाके ऑनलाइन स्व-नामांकन, आवश्यक दस्तावेज के साथ आवेदन करही जेकर अंतिम तिथि 06 जुलाई 2020 तक हाबे। जिला अउ क्षेत्रीय चयन समिति ह शिक्षक मनके शॉर्टलिस्टिंग, ऑनलाइन पोर्टल म राज्य, संगठन चयन समिति के शॉर्टलिस्ट 12 जुलाई ले 21 जुलाई 2020 तक भेजे जाही। राज्य चयन समिति, संगठन चयन समिति के शॉर्टलिस्टिंग ऑनलाइन पोर्टल के माध्यम ले 22 जुलाई ले 31 जुलाई 2020 तक स्वतंत्र राष्ट्रीय जूरी म भेजही। जूरी ह सबो शॉर्टलिस्ट उम्मीदवार (154 अधिकतम) खातिर 03 अगस्त 2020 के वीडियो कान्फ्रेसिंग या बातचीत के माध्यम ले चयन खातिर निर्णय लेही। वीडियो कान्फ्रेसिंग के माध्यम ले जूरी कोति ले चयन प्रक्रिया या बातचीत 06 अगस्त ले 14 अगस्त 2020 तक तय करे जाएगी। स्वतंत्र राष्ट्रीय जूरी कोति ले नाम चयन के अंतिम रूप 14 अगस्त 2020 के दिये जाही। 16 अउ 17 अगस्त 2020 के बाद चयनित उम्मीदवार ल मानव संसाधन विकास डहर ले मंजूरी दे जाही अउ 05 सितंबर 2020 के पुरस्कार ले सम्मानित करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।