सुकमा म एक साल म साढ़े दस हजार ले आगर लइका मनला घर बइठे मिलिस जाति प्रमाण पत्र

सुकमा.01। मुख्यमंत्री श्री भूपेश बघेल ह जाति प्रमाण पत्र के अभाव म होवइया परेशानी ल देखत जाति अउ निवास प्रमाण पत्र के घर-पहुंच सेवा के घोसना करे हाबे। छत्तीसगढ़ के आदिवासी बहुल सुकमा जिला के लइका मनला ल जाति प्रमाण पत्र के अभाव म शासन के कोनो भी योजना ले वंचित झिन होवे ये सेती सुकमा जिला प्रशासन काति ले जाति प्रमाण पत्र ल घर पहुंच सेवा लगभग एक साल पहिली सुरू करे रिहिसे। अभियान के तौर म शुरू ये काम ले अब तक साढ़े दस हजार ले अधिक लइका मनला ल जाति प्रमाण पत्र दिये जा चुके हाबे।

पहली चरण म छठवीं ले दसवीं तक अध्ययनरत सबो अनुसूचित जाति, जनजाति अउ पिछड़ा वर्ग के छात्र ल घर म ही जाति प्रमाण पत्र दे के लक्ष्य रखे गे हाबे। शैक्षणिक सत्र 2019 के बीच तक लगभग आठ हजार जाति प्रमाण पत्र बनाये के साथ ही छठवीं ले बारहवीं तक अध्ययनरत सबो छात्र ल जाति प्रमाण पत्र देके लक्ष्य हासिल कर लिये गे हाबे। येकर बाद पांचवीं कक्षा म अध्ययनरत लइका मनला जाति प्रमाण पत्र देके नया लक्ष्य निर्धारित करत मार्च 2020 ले कार्य सुरू करे गे हाबे, ताकि छठवीं कक्षा म प्रवेश के साथ ओला आदिम जाति कल्याण विभाग कोति ले संचालित योजना के लाभ तत्काल मिल सके। जिला प्रशासन कोति ले मार्च 2020 ले अब तक ढाई हजार ले आगर लइका मनला जाति प्रमाण पत्र दिये जा चुके हाबे।