रायपुर.27। प्रदेश म कक्षा पहली से दसवीं तक के सबो पात्र विद्यार्थी मनला पाठ्य पुस्तक के वितरण 14 अगस्त तक करे जाही। ये संबंध म संचालक लोक शिक्षण ह सबो संभागीय संयुक्त संचालक, जिला शिक्षा अधिकारी अउ जिला मिशन समन्वयक मनला शिक्षा सत्र 2020-21 म स्कूली विद्यार्थी ल पाठ्य पुस्तक वितरण के संबंध म निर्देश जारी करत केहे गे हाबे के कक्षा पहली ले दसवीं तक के सबो पात्र विद्यार्थी मनला पाठ्य पुस्तक के वितरण 14 अगस्त तक अनिवार्य रूप ले पूरा करावय।
निर्देश म केहे गे हाबे के पाठ्य पुस्तक के वितरण कोविड-19 ले संबंधित सर्तकता खातिर जारी दिशा-निर्देश के पालन करत हुए पालक अउ शिक्षक के माध्यम ले सुविधा अनुसार पूरा कराये जाए। ध्यान रहे के कोनो भी स्थिति म विद्यार्थी मनला पुस्तक वितरण खातिर शाला म नइ बुलाना हावय।
यहू सुनिश्चित करे जाए के कोनो भी स्थिति म पात्र विद्यार्थी निःशुल्क पाठ्य पुस्तक ले वंचित झिन राहय। दिशा-निर्देश के अनुपालन म शाला, संकुल, विकासखण्ड अउ जिला स्तर वितरण अउ पावती संबंधी दस्तावेज, रजिस्टर के संधारण करत हुए शत-प्रतिशत वितरण कार्य करे जाए। वितरण के जानकारी जिला शिक्षा अधिकारी/जिला मिशन समन्वयक 24 अगस्त तक अनिवार्य रूप ले लोक शिक्षण संचालनालय अउ प्रबंध संचालक समग्र शिक्षा रायपुर ल प्रेषित करें। साथ ही निःशुल्क पाठ्य पुस्तक के प्राप्ति अउ वितरण के ऑनलाइन मॉनीटरिंग तको करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।