नारायणपुर.04। केंद्र सरकार के पृथ्वी विज्ञान मंत्रालय ह एक खास तरह के मोबाइल फोन एप बनाये हावय। जेन ह बिजली गिरे के 30 ले 40 मिनट पहिली ही चेतावनी मोबाइल फोन उपयोगकर्ता ल देथे। ये मोबाइल एप के नाम दामिनी ‘Damini’ हावय। भारतीय उष्णदेशीय मौसम विज्ञान संस्थान (इंडियन इंस्टिट्यूट ऑफ ट्रॉपिकल मैट्रोलोजी) पुणे ह येला विकसित करे हावय अउ यह गूगल प्ले स्टोर म निशुल्क उपलब्ध हावय।
जिला कृषि मौसम इकाई के कृषि मौसम वैज्ञानिक उत्तम दीवान ह डीपीआर कोति ले आरो दे हाबे के एप ल एंड्राइड फोन उपयोगकर्ता आसानी ले गूगल प्ले स्टोर ले बिल्कुल मुफ्त म डाउनलोड कर सकथे। येमा रजिस्टर करे के बाद लोकेशन डाले म ये एप ओ ठउर म बिजली गिरे के आशंका होए म उपयोगकर्ता ल तुरते सूचना देथे। ये हिंदी अउ अंग्रेजी दूनो भाषा म काम करथे। इंडियन इंस्टिट्यूट ऑफ ट्रॉपिकल मैट्रोलोजी, पुणे ले मिले जानकारी के मुताबिक दुनिया भर म प्राकृतिक आपदा ले होवइया मउत म सबले जादा गाज गिरे ले ही होथे। भारत म बिजली गिरे ले हर साल 2000 मउत होथे। इही बात ल धियान म राखत दुर्घटना ल कम करे खातिर एप विकसित करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।