10वीं अउ 12वीं कक्षा के मेरिट म आये होनहार लइका मनके सम्मान करिस डीजीपी श्री अवस्थी

रायपुर.01। छत्तीसगढ़ माध्यमिक शिक्षा मंडल के एसो 10वीं अउ 12वीं के परीक्षा म मेरिट म आये लइका मनला डीजीपी श्री डीएम अवस्थी ह पुलिस मुख्यालय म सम्मानित करिस। ये मउका म 12वीं के स्टेट टॉपर टिकेश वैष्णव ह किहिस के वो बिट्स पिलानी म कम्प्यूटर साइंस ले इंजीनियरिंग करना चाहत हाबे फेर आर्थिक स्थिति बहुत ही कमजोर हाबे। उंकर पिता के छोटकुन दुकान हावय अउ इंजीनियरिंग के फीस जमा नइ करे सकन। ये बात म श्री अवस्थी किहिन के फीस के चिंता करे के जरूरत नइये। हम फीस खातिर आर्थिक सहयोग देबो। लक्ष्य कोति ते कदम बढ़ा अउ बिट्स पिलानी जाए के तियारी कर। 

लइका मनला संबोधित करत ओमन आगू किहिन के संघर्ष ले ही सफलता मिलथे। सफलता नइ मिले म निराश नइ होना चाही। जीवन एक मैराथन दौड़ असन आए हार-जीत लगे रिथे, ये जरूरी नइये के जेन ह शुरूआत म आगू रिथे तिही जितही। माता-पिता ल लइका मनके प्रतिशत म धियान देके बजाय ओमन ल अच्छा अउ सफल इंसान बनाये म जोर देना चाहि। पढ़ाई के साथ-साथ खेल म तको धियान देना चाहि। शारीरिक अउ मानसिक विकास खातिर खेल बहुत ही जरूरी हावय। ये मउका म मुंगेली के टिकेश वैष्णव, रायपुर के आयशा अंजुम, रायपुर के देवेन्द्र कुमार तारक, दुर्ग के मिनाल हिरवानी, मुंगेली के प्रज्ञा कश्यप, रायपुर के विरेन्द्र कुमार तारक अउ दुर्ग के आदर्श गिरि ल प्रमाण-पत्र देकर सम्मानित करे गिस।

पुलिस मुख्यालय में मेधावी सम्मान समारोह में डीजीपी श्री डीएम अवस्थी को पता चला कि 12वीं में स्टेट टॉपर टिकेश इंजीनियरिंग में आर्थिक स्थिति कमजोर होने से एडमिशन नहीं ले पा रहे हैं। उन्होंने तत्काल टिकेश के पिता से कहा आप बेटे के एडमिशन की तैयारी करिए फीस की चिंता हम करेंगे। pic.twitter.com/xlQFx4buEX

— chhattisgarh Police (@CG_Police) June 30, 2020