रायपुर.14। प्रदेश म कोविड-19 के ज्यादा ले ज्यादा संभावित मनके जांच खातिर सैंपल कलेक्शन सेंटर खोले जाही। स्वास्थ्य विभाग ह सबो जिला के मुख्य चिकित्सा अउ स्वास्थ्य अधिकारी मनला ग्रामीण अउ शहरी क्षेत्र म पर्याप्त संख्या म सैंपल कलेक्शन सेंटर जल्द शुरू करे के निर्देश दिए हाबे। विभाग ह अइसन जगह म जिहां लोगन सुलभता अउ सरलता ले पहुंच सकें, सेंटर स्थापित करे बर केहे हाबे। व्यापक प्रचार-प्रसार के जरिए सैंपल कलेक्शन सेंटर्स के जानकारी आम लोगन तक पहुंचाये के निर्देश विभाग ह दे हाबे, ताकि लोगन कोरोना वायरस संक्रमण के लक्षण दिखे म स्वयं होके नजदीकी कलेक्शन सेंटर म जाकर सैंपल दे सकें।
स्वास्थ्य विभाग ह मुख्य चिकित्सा अउ स्वास्थ्य अधिकारी मनला सैंपल कलेक्शन सेंटर के स्थापना ल सर्वोच्च प्राथमिकता देचत येला जल्द ले जल्द शुरू करे बर केहे हाबे। ये सेंटर्स म सर्दी, जुकाम, खांसी अउ बुखार ले पीड़ित मनके जांच करके सैंपल लिये जाही। वर्तमान म जिला अस्पताल, सामुदायिक स्वास्थ्य केंद्र, शहरी प्राथमिक स्वास्थ्य केंद्र अउ सिविल अस्पताल म संदिग्ध मरीज मनके के सैंपल लिए जावत हाबे।
जानबा होवय के छत्तीसगढ़ म कोविड-19 के नियंत्रण अउ रोकथाम खातिर संक्रमण के संभावना वाला ज्यादा ले ज्यादा लोगन के जांच खातिर कई स्तर म पहल करे जावत हाबे। लगातार नवा लैब के स्थापना के साथ ही ट्रू-नाट विधि अउ रैपिड एंटीजन किट ले तको संदिग्ध के जांच करे जावत हाबे। स्वास्थ्य मंत्री श्री टी.एस. सिंहदेव तको जांच के संख्या बढ़ाये म जोर दे हाबे। रोजाना दस हजार सैंपल के जांच के लक्ष्य के साथ जांच के सुविधा अउ संसाधन लगातार बढ़ाए जात हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।