gariaband news : तेंदुआ खाल तस्कर ल धरिस गरियाबंद शोभा पुलिस, बेचे बर खोजत रिहिसे गिराहिक

गरियाबंद.30। गरियाबंद के शोभा थाना के पुलिस टीम ह आज मुखबिर के आरो म रायघर उड़ीसा के तेंदुआ खाल तस्कर ल पकड़ हाबे। शोभा थाना प्रभारी के टीम पुलिस अधीक्षक मौखिक आदेश म स्टाफ आरक्षक मन संग करिस जबर बुता। एफआईआर के मुताबिक पुलिस टीम ह ग्राम शुक्लाभांठा के बाघनाला पुलिया तिर एक आदमी के मोटर सायकल के डिक्की म वन्य प्राणी तेंदुआ के खाल ल बरामद करे हाबे। बताये गे हाबे के आरोपी ह खाल ल बेचे खातिर गिराहिक खोजत रिहिस। पुलिस ल देखके भागत रिहिस तब ओला घेराबंदी करके पकड़े गिस। पुलिस के मुताबिक आरोपी बुदूराम गोंड़ पिता सोनहेर गोड़ उम्र 40 वर्ष साकिन विजयपुर, थाना रायघर उडीसा के रहइया आए। आरोपी ल धारा 91 जाफौ के तहत नोटिस तामिल कराये बाद कोनो वैध कागजात नइ होए म आरोपी बुदुराम गोड़ ल वन्य जीव (संरक्षण) अधिनियम, 1972 के धारा 9, 39(ख), 51, 52 के तहत मौका म विधिवत गिरफ्तार करके आगू के कार्यवाही करे जावत हाबे।

#अंतरराज्यीयतेन्दुवा खाल तस्करी करते आरोपी चढ़ा गरियाबंद पुलिस के हत्थे
* नक्लस प्रभावित क्षेत्र से वन्य जीव तस्कर को किया गिरफ्तार।
* शरीर एवं सम्पत्ति संबंधि अपराध के अलावा पुलिस द्वारा गांजा, हीरा, शराब,जुआ, के साथ ही वन्य जीव के तस्कर दबोचे गये।@CG_Police@IPS@IAS pic.twitter.com/F2u83ptU9d

— Gariyaband Police (@GariyabandPoli1) June 30, 2020