गरियाबंद.30। गरियाबंद जिला म कोरोना के पॉजिटिव मरीज मिले के बाद संबंधित क्षेत्र ल कलेक्टर कोति ले कंटेनमेंट जोन घोसित कर दे गे हाबे। जारी आदेस के मुताबिक प्रभारी अधिकारी ह घर पहुंच सेवा के माध्यम ले आवश्यक वस्तु के आपूर्ति उचित दर म सुनिश्चित कराही। आन सबो प्रकार के वाहन के आवाजाही पूरा बंद रइही। मेडिकल इमरजेंसी ल छोड़के आन कोनो भी कारन ले घर के बाहिर नइ निकलना हाबे। गरियाबंद नगर पालिका वार्ड क्र-01, वार्ड क्र-13, ग्राम आमदी के साथ नगर पंचायत छुरा के वार्ड क्र-10, ग्राम गोंदलाबाहरा वार्ड क्र-07 अउ नगर पंचायत राजिम वार्ड क्र-14 म 28 अउ 29 जून के नवा पॉजिटिव कोरोना मरीज मिले के पुष्टि के बाद सम्बंधित क्षेत्र ह कंटेनमेंट जोन घोसित होगे हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।