सूरजपुर जिला के होनहार असद इकबाल अउ कुलदीप सिंह के सम्मान करिस कलेक्टर रणबीर शर्मा

अंजोर
0
सूरजपुर.23। दसवीं कक्षा म जिला सूरजपुर के दू होनहार लइका असद इकबाल अउ कुलदीप सिंह के नाव आए ले जिला के लोगन मन प्रसन्नता व्यक्त‍ करे हाबे। एसो कोरोना राई के सेती थोकिन देरी ले नतीजा जरूर आइस फेर सफलता के आंकड़ा बाढ़हे ले खुशी हाबे। ए पइत जिला सूरजपुर के दू लइका ह टॉप करे हाबे। जेन म सरस्वती शिशु मंदिर जरही म पढ़त असद इकबाल ह 10वीं के परीक्षा म 589 अंक पाके टॉप सूची के 6वां क्रम म अपन स्थान बनाये हाबे। अइसने जिला के ही भारतीय विद्यापीठ कुमड़ा कोलियारी म पढ़त कुलदीप सिंह ह 10वीं म 588 अंक पाके टॉप सूची म 7वां स्थान पाये हाबे। जिला के दूनो होनहार लइका मनला जिला कलेक्टर रणबीर शर्मा अउ जिला पंचायत के सीईओ आकाश छिकारा ह कलेक्टोरेट कार्यालय म मोमेंटो देके सम्मानित करत शुभकामना दीस। ये मउका म असद इकबाल अउ कुलदीप सिंह के संग उंकर परिवार के सदस्य मन तको उपस्थित रिहिन।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !