सिग्नल म लइका भीख माँगत दिखे म चाइल्ड लाइन के माने जाही चूक : डॉ. सर्वेश्वर नरेंद्र भूरे

दुर्ग.15। सिग्नल म भीख माँगत नान्हे लइका मनके मामला म दुर्ग कलेक्टर डॉ. सर्वेश्वर नरेंद्र भूरे ह चाइल्ड लाइन ल स्पष्ट निर्देश दे हाबे के कोनो भी लइका भीख माँगत दिखही तव ओला चाइल्ड लाइन के चूक माने जाही। ओमन बइठक आयोजित करके चाइल्ड लाइन अउ टास्क फोर्स ल जिम्मेदारी देवत किहिन के अइसन लइका के दाई-ददा ऊपर तको कार्रवाई करे जाए। अऊ जेन लइका के कोनो नइये ओमन के संरक्षण अउ पढ़ाई के जिम्मेदारी लेके तको निर्देश दिये गे हाबे। 

येकर अलावा आगू लंबित प्रकरण के लघियात निराकरण, देखरेख संस्था म रिक्त पदभर्ती अउ संकटग्रस्त लइका मनके पंचायत म सर्वे कराये के बात किहिन। येक बइठका म एडीशनल एसपी प्रज्ञा मेश्राम, सीएमएचओ डाक्टर गंभीर सिंह ठाकुर, जिला शिक्षा अधिकारी प्रवास सिंह बघेल सहित अऊ आन अधिकारी उपस्थित रिहिन।