मुख्यमंत्री निवास तिर आत्मदाह के कोसिस करिस धमतरी-तेलीनसत्ती के रहइया हरदेव सिन्हा

अंजोर
0
रायपुर.29। सिविल लाईन जइसन इलाका म आज जबर दुर्घटना होगे। 27 बछर के एक युवक ह खुदे अपन ऊपर आगी लगा लिस। मिले आरो के मुताबिक युवक के इलाज चलत हाबे अउ डॉक्टर मन खतरा ले बाहिर बताए हावय। मुख्यमंत्री निवास के आगू, ये इलाका ल संवेदलशीन माने जाथे तिहां अइसन घटना होना, पुलिस के तको चूक दिखथे। ये बात आन आए के सीएम हाउस के पुलिस के जवान मन ही आगी ल भुताके ओला तुरते अस्पताल पहुंचाये हाबे।

जानबा होवय के राज्य अउ देश ही नहीं बल्कि कोरोना काल म अइसन दूबर दिन सबो मानव समाज बर आए हाबे। फेर लोगन ल गुने के आए के बने दिन आबे करही। संकट ले हार के अपने जीव ल नइ देना चाही। आरो मुताबिक आत्मदाह करइया युवक धमतरी जिला के तेलीनसत्ती के रहइया हरदेव सिन्हा बताये जाथे। 

अनुविभागीय दण्डाधिकारी धमतरी कोति ले युवक के बारे म बताये गे हाबे के हरदेव ह माता-पिता अउ तीन भाई संग राहत रिहिसे। पत्नी ह मजदूरी बुता करथे उंकर दू बेटी हाबे 6 साल अउ 3 साल के। आगू बताये हाबे के हरदेव के छोटे भाई मानसिक रूप ले अस्वस्थ हावय। बिहाव नी होये, हाबे घरे म रिथे। बड़े भाई धमतरी के गैरेज मे काम करथे अउ हरदेव सिन्हा के गांव म दू एकड़ कृषि भूमि हाबे। हरदेव ह 9वीं तक पढ़ाई करे हाबे, रोजगार गारेंटी म जॉब कार्ड तको हाबे येकर अलावा पाछू महीना ओहा 11 दिन काम करे हाबे। परिवार के लोगन मन 21 दिन काम करे हाबे। यहू बताये हाबे के हरदेव सिन्हा ह ग्राम पंचायत तेलीनसत्ती म यूट्यूब म पिक्चर बनाये के अनुमति खातिर आवेदन करे रिहिसे।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !