Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

भारतीय जनता पार्टी के छत्तीसगढ़ अध्यक्ष बनिस पूर्व केंद्रीय मंत्री विष्णुदेव साय

रायपुर। विधानसभा चुनाव के बाद ले ही छत्तीसगढ़ म भाजपा के नवा अध्यक्ष के गोठबात होते रिहिसे। जेन अब सिद्ध परिस, नवा अध्यक्ष पूर्व केंद्रीय मंत्री विष्णुदेव साय ल बनाये गिस। सिधवा अउ मिलनसार मनखे श्री साय ह पाछू 20 बछर ले राजनीति म सक्रिय हाबे। रायगढ़ लोकसभा सीट ले ओमन कई पइत चुनाव जीत के सांसद बनिस अउ 2014 के लोकसभा चुनाव म भाजपा के सरकार बनिस तव उनला केन्द्र म मंत्री बने के तको मउका मिलिस। भाजपा के छत्तीसगढ़ अध्यक्ष नियुक्त होए के आरो पाते ही प्रदेश के कार्यकर्ता संग पूर्व मुख्यमंत्री डॉ. रमन सिंह के अलावा मुख्यमंत्री भूपेश बघेल अउ प्रदेश कांग्रेस अध्यक्ष मोहन मरकाम मन तको विष्णुदेव साय ल बधाई दे हाबे।
ये मउका म श्री साय पार्टी के प्रति आभार व्यक्त करत किहिन के माननीय प्रधानमंत्री मोदी जी अउ राष्ट्रीय अध्यक्ष महोदय के सादर धन्यवाद, मैं विश्वास देवात हवं के अपन जिम्मेदारी ल पूरा निष्ठा ले निभाहू अउ खंचित ही संगठन के विश्वास म खरा उतरे के पूरा कोशिश करहूं। आगू ओमन ट्वीट करत किहिन के आप सबो के शुभकामना पाके अभिभूत हवं। सबो के मंगलकामना मोर बर सदैव प्रेरणा के काम करही। जम्मो के मार्गदर्शन ले मैं सदा देश-प्रदेश अउ समाज के सेवा म तत्पर होके बुता करते रइहू, अइसने आगू तको आप सबो के मया मिलते राहय।


कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285