विधायक रायपुर ग्रामीण सामिल होइन रावांभाटा महाविद्यालय के नवा परिसर के भूमिपूजन म

रायपुर। नगर निगम बिरगांव म लोगन मन बर उच्च शिक्षा ल सुगम बनाए खातिर रावांभाटा म नवा शासकीय महाविद्यालय के काम सुरू होगे हावय। बिरगांव के रावांभाटा म ये कॉलेज बने ले अब उहां के लइका मनला आन कोति पढ़ई करे बर जाए के जरूरत नी परय। सोशल मीडिया ले मिले आरो मुताबिक विधायक रायपुर के ग्रामीण सत्यनारायण शर्मा ह ट्वीट करत लिखे हाबे के बिरगांव नगर निगम क्षेत्र म 4 करोड़ 65 लाख 84 हजार रूपिया के लागत ले बनइया रावांभाटा शासकीय नवीन महाविद्यालय के नवा परिसर के भूमिपूजन होगे, अब लघियात महाविद्यालय बनके तइयार तको जा जही। ये मउका म लॉकडाउन के पालन करत विधायक रायपुर ग्रामीण के अलावा बिरगांव नगर निगम के जनप्रतिनिधी मन तको गजब झिन जुरियाए रिहिन हाबे।

आज बिरगांव नगर निगम क्षेत्र में 4 करोड़ 65 लाख 84 हजार रुपये की लागत से बनने वाले रावांभाटा शासकीय नवीन महाविद्यालय के नए परिसर के भूमिपूजन कार्यक्रम में सम्मिलित हुआ, जल्द ही यह महाविद्यालय बनकर तैयार होगा और छात्र छात्राओं की बाहर जा कर पढ़ाई करने की समस्या का समाधान होगा। pic.twitter.com/0NgsuotFqD

— Satyanarayan Sharma (@stnrnsharma) June 1, 2020