Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

जशपुर के कर्राजोर, मुडाबहला अउ खुटगांव 28 दिन बर कन्टेनमेंट जोन

जशपुर। जशपुर के पत्थलगांव विकासखंड के माध्यमिक शाला कर्राजोर अउ प्राथमिक शाला मुडाबहला क्षेत्र ल अवइया 28 दिन बर कन्टेनमेंट जोन घोसित कर दे हाबे। एजेंसी ले मिले आरो के मुताबिक जिला कलेक्टर महादेव कावरे के निर्देश म नोवल कोराना वायरस कोविड-19 के संक्रमण के रोकथाम खातिर 28 दिन बर स्वास्थ्यगत आपातकालिन परिस्थिति ल छोड़के उहां अवई-जवई पूरा बंद रइही। कन्टेनमेंट क्षेत्र के रहइया मन बिगर सक्षम अधिकारी के अनुमति के अपन घर ले बाहिर तको नी निकले। जानबा होवय के पाछू दिन जशपुर जिला ले 16 कोरोना के मरीज मिलिस जेकर मेडिकल कॉलेज अस्पताल अंबिकापुर म इलाज चलत हाबे। अइसने फरसाबहार विकासखंड के पंचायत क्वारेंटाईन सेंटर माध्यमिक शाला खुटगांव के परिसर ल तको 28 दिन बर कन्टेनमेंट जोन घोसित करे गे हाबे। कन्टेनमेंट जोन म कानून व्यवस्था अउ आन देखरेख खातिर संबंधित अधिकारी अनुविभागीय अधिकारी राजस्व, पुलिस प्रशासन, लोकनिर्माण विभाग, सीईओ जनपद पंचायत अउ विकासखंड शिक्षा अधिकारी उक मनके नियुक्ति करे गे हाबे।

No comments:

Post a Comment

जोहार पहुना, मया राखे रहिबे...

किस्सा कहिनी

Contact Us

Name

Email *

Message *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ