‘अन्तर्राष्ट्रीय नशा निवारण दिवस’ 26 जून के नशापान ले जागरूक करे खातिर होही कार्यक्रम : कलेक्टर

अंजोर
0
जांजगीर-चांपा.24। जिला म अंतर्राष्ट्रीय नशा निवारण दिवस 26 जून के मउका म नशापान ल छोड़े बर प्रोत्साहित करे खातिर अनेक कार्यक्रम के आयोजन करे जाही। ये बात के जानकारी देवत जिला कलेक्टर श्री यशवंत कुमार ह मुख्य चिकित्सा अउ स्वास्थ्य अधिकारी, जांजगीर के संग सक्ती के जिला शिक्षा अधिकारी,  कार्यक्रम अधिकारी महिला अउ बाल विकास, खेल अधिकारी, सबो जनपद के सीईओ अउ नगरीय निकाय के सीएमओ मनला पत्र जारी करत राज्य सरकार के निर्देशानुसार ‘अन्तर्राष्ट्रीय नशा निवारण दिवस’ के मउका म कार्यक्रम आयोजित करे के निर्देश दे हाबे। 

अन्तर्राष्ट्रीय नशा निवारण दिवस के आयोजन खातिर आम जनता के सहभागिता ले नशापान के  विरूद्ध व्यापक जनमत विकसित करे के उचित कार्यवाई करे जाही। नशा पीड़ित मनलो गोठबात करत नशापान के दुष्परिणाम के जानकारी दे जाही। येकर अलावा महाविद्यालय, विद्यालय के विद्यार्थी मन नशापान के विरूद्ध जागरूकता बर प्रेरक उद्बोधन के माध्यम ले प्रयास करत,  संस्कृति अउ परम्परा के अनुरूप कार्यक्रम आयोजित करे जाही। साथ ही कार्यक्रम के दौरान कोरोना वायरस के संक्रमण के रोकथाम खातिर स्वास्थ्य विभाग की एडवाइजरी के तको कड़ाई ले पालन करे जाही।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !