Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

जेल के सफाई, क्षमता, स्वास्थ्य परीक्षण सहित आन जरूरी बेवस्था के जायजा लेके निर्देश दिस गृह मंत्री

रायपुर.24। प्रदेश के गृह अउ जेल मंत्री श्री साहू ह निवास कार्यालय म गृह, जेल, नगर सेना अउ सैनिक कल्याण के काम-काज के आज समीक्षा करिन। ये मउका म ओमन जेल मनके निरीक्षण करत बैरक के सफाई, कैदी मनके क्षमता, स्वास्थ्य परीक्षण, सी.सी.टी.व्ही. कैमरा, पेयजल अउ किचन सहित आन जरूरी बेवस्था के जायजा ले अऊ कोनो कमी या जरूरत परे म प्रतिवेदन प्रस्तुत करव। ये बात के निर्देश देवत अतिरिक्त पुलिस महानिदेशक ल ओमन जेल म व्यावसायिक गतिविधी जइसे कपड़ा बुनाई, फर्नीचर, सोफा, ग्रिटिंग, प्रिंटिंग अउ आन साजों समान बनाए के बुता ल बढ़ावा दे बर तको किहिन। 

गृह मंत्री ह नगर सेना के कार्य के समीक्षा करत किहिन के बड़का भवन म फायर सेफ्टी अउ बाढ़ के संभावना ल देखत आपदा प्रबंधन के सबो तियारी कर लेवा। साथ ही रायपुर के टिकरापारा के फायर स्टेशन ल आन जगह लेगे खातिर ठउर देखे बर तको केहे हाबे। येकर अलावा मंत्री जी ह विभागीय काम के सुचारू संचालन अउ काम-काज म कसावट लाने खातिर पुलिस मुख्यालय ले थाना तक आवश्यकता के मुताबिक सेटअप म संशोधन, बजट, वाहन आदि के प्रस्ताव तइयार करके वित्त विभाग ले स्वीकृति लेके तको निर्देश दे हाबे। 

गृह मंत्री ह उप निरीक्षक मनके लंबित भर्ती प्रक्रिया म औचित्य दर्शावत आवश्यक संशोधन आदि के संबंध म सामान्य प्रशासन विभाग ले मार्गदर्शन लेके भर्ती प्रक्रिया म गति लाने के निर्देश दे हाबे। ये बइठक म प्रमुख रूप ले पुलिस महानिदेशक डी.एम. अवस्थी, अपर मुख्य सचिव गृह सुब्रत साहू, सचिव गृह उमेश अग्रवाल, एडीजी जेल संजय पिल्ले, एडीजी योजना-प्रबंधन आर.के. विज, एडीजी प्रशासन हिमांशु गुप्ता मन सहित पुलिस विभाग के आन बड़का अधिकारी उपस्थित रिहन।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285