बेमेतरा.21। संकटकाल म तको गांव म लोगन ल दारू पियो के अतेक लत लगे हाबे के घर के जिनिस ल बेचके तको दारू पी डारथे। दारू के निसा म कतको अपराध होवत हाबे तभो ले लोगन चेतत नइये। सरकारी भट्टी ल छोड़ अब तो गांव-गांव म लोगन मन अवैध रूप ले दारू बेचे के शुरू कर दे हाबे। पुलिस लगातार कार्रवाई करत अइसन मनके धर पकड़ सुर कर दे हाबे तभो ले मामला थमत नइये।
एफआईएआर मुताबिक 19 जनू 2020 के संझा एक कार्रवाई करत बेरला थाना कोति ले कंडरका चौकी के पेट्रोलिंग टीम ह मुखबीर के आरो के आधार म ग्राम गुधेली, बेरला कला जिला बेमेतरा के बलराम साहू जेन उरला रायपुर कोति ले खारून नदी एनीकट ले आवत, मोटर सायकल क्रमांक सीजी 05 एयू 2364 स्कूटी म अवैध रूप ले बेचे खातिर शराब लानत रिहिस। पूछताछ म बलराम तिर ले मोटर सायकल के डिक्की म 29 पौवा देशी मशाला, 90 रूपिया कीमत के कुल 2610 रूपिया के दारू जप्त करे गिस। आरोपी बलराम साहू के विरूद्ध धारा 34(2) आबकारी एक्ट के तहत अपराध दर्ज करके गिरफ्तार करके सूचना उंकर परिजन ल दे गीस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।