राज्यपाल सुश्री उइके लिस बड़का अधिकारी मनके बइठक, कोविड-19 के स्थिति ल देखत दीस ठोस सुझाव

रायपुर.08। छत्तीसगढ़ के राज्यपाल सुश्री अनुसुईया उइके जी ह राजभवन म प्रदेश के बड़का अधिकारी मनके एक बइठक राखे रिहिन। जेमा मुख्य सचिव आर.पी. मण्डल, अपर मुख्य सचिव गृह सुब्रत साहू, राज्यपाल के सचिव अउ श्रम विभाग के सचिव सोनमणि बोरा, स्वास्थ्य सचिव निहारिका बारीक सिंह, खाद्य सचिव कमलप्रीत सिंह रायपुर जिला के प्रभारी कलेक्टर सौरभ कुमार अउ एसएसपी आरिफ शेख तको उपस्थित रिहिन। ये मउका म राज्यापाल महोदया मन किहिन के अब कोरोना वायरस ले लड़े के निर्णायक समय आगे हाबे। राज्य ल कोविड-19 के सामुदायिक संक्रमण ले बचाये खातिर ठोस प्रयास करे जाए। क्वारेंटाइन सेंटर मनके व्यवस्था म अऊ सुधार करव। उहां महिला, लइका अउ बुजुर्ग मनके बने देखभाल के साथ साफ-सफाई, भोजन-पेयजल के बने बेवस्था राखे जाए। महिला मन खातिर सेनिटरी पेड के इंतजाम, गर्भवती माता अउ लइका मन खातिर पौष्टिक भोजन बनय।

आगू ओमन छत्तीसगढ़ म होवत बुता के बड़ई करत किहिन के अनलॉक पीरियड म जादा सावधानी बरते के संग आम जनता ल सोशल डिस्टेंसिंग के पालन अउ ये महामारी ले बचे खातिर जागरूक करना तको जरूरी हाबे। राज्यपाल ह यहू बात म जोर दिस के क्वारेंटाइन सेंटर म अउ कोरोना संक्रमण ले मरे लोगन के परिवार ल उचित मुआवजा दिए जाना चाहिए। येकर अलावा ओमन कंटेनमेंट जोन सहित आन ठउर पुलिस विभाग ह आम जनता के साथ संवेदनशीलता के व्यवहार करय अउ मानवीय दृष्टिकोण अपनाए।

मैंने आज राजभवन में प्रदेश में कोविड-19 की स्थिति एवं उससे बचाव के उपायों एवं राज्य शासन के प्रयासों के संबंध में मुख्य सचिव सहित अन्य अधिकारियों की उच्चस्तरीय बैठक ली। pic.twitter.com/94Xr0MufBB

— Governor Chhattisgarh (@GovernorCG) June 8, 2020