फलदार अउ छायादार पौधा अब निःशुल्क घर पहुंचही, वन विभाग ल फोन करके बताव नाम अउ पता

अंजोर
0
रायपुर.25। पर्यावरण संरक्षण, शुद्ध जलवायु, ताजा अउ मीठा फल पाये खातिर सब ले जरूरी हाबे पेड़ लगाना। हरा-भरा अउ सुंदर छत्तीसगढ़ बनाए खातिर मुख्यमंत्री श्री बघेल के मंशानुरूप वन मंत्री श्री मोहम्म्द अकबर के निर्देश म प्रदेश के सबो जिला म विभिन्न प्रजाति के छायादार अउ फलदार पेड़ लगाए खातिर लोगन ल जागरूक करत घर-घर म निःशुल्क पौधे उपलब्ध कराये जाही। मिले आरो के मुताबिक एसो आने-आने प्रजाति के लगभग 10 लाख पौधा के रोपण करे के लक्ष्य राखे के हाबे। 
वन मंडल म 38 प्रजाति के पौधा लगइया मन जिला के वन मंडलके नंबर म नाम, पता अउ मोबाइल नंबर बता के घर बइठे पा सकथे। निःशुल्क वितरण खातिर अमरुद, कटहल, आम, जामुन, महुआ, बादाम, नींबू, बांस, आंवला, मुनगा, करंज, नीम, हर्रा, पपीता, सीताफल, बेल, गुलमोहर, पेलटाफॉर्म, सफेद शिरीश, केशिया, कचनार, अमलतास, अनार, अर्जुन, सागौन, बकैन, जंगल जलेबी, रामफल, कुल्लू, कुसुम, मुंडी, पीपल, शीशम, सिस्सू, इमली अउ बहेड़ा आदि प्रजाति पौधा उपलब्ध हावय।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !