हेलीकॉप्टर ले कीटनाशक छितके अब टिड्डा मारही भारत, ग्रेटर नोएडा ले होइस येकर सुरूआत

नई दिल्ली.30। भारत म पहिली पइत अइसे देखे बर मिलत हाबे के कोनो कीरा ल मारे खातिर हेलीकॉप्टर के प्रयोग करे जावत हाबे। हां ये सिरतोन आए, केंद्रिय कृषि मंत्री श्री नरेन्द्र सिंह तोमर ह ट्वीट करत येकर सुरूआत करे के आरो दे हाबे। श्री तोमर ह कीटनाशक धरे हेलीकॉप्टर ल हरियर झंडा देखाके रवाना करिस। आरो के मुताबिक हेलीकॉप्टर ह ग्रेटर नोएडा म उड़त टिड्डा दल ल मारही। छोटे-छोटे झिन जानव ये टिड्डा मनला। विशेषज्ञ मन बताथे के जेन खेत म येमन बइठे कुछू नी बचावे। इही सेती लोगन मनला टिड्डा दिखे म अऊ आन मनला तको आरो करे के गांव-गांव म मुनादी तको कराये गे हाबे। खेत म सोर मचाये खातिर बाजा, टिन फटाका उक के प्रयोग के बाद अब हेलीकॉप्टर ले घातेच लाहो लेवत टिड्डा मनके सत्यानाश होही।

भारत में पहली बार टिड्डी नियंत्रण के लिए हेलीकॉप्टर से कीटनाशक छिड़काव की हुई शुरुआत आज ग्रेटर नोएडा से हेलीकॉप्टर को हरी झंडी दिखाकर की... pic.twitter.com/9Ec9b02gmi

— Narendra Singh Tomar (@nstomar) June 30, 2020