दुर्ग पुलिस ल मिलिस बड़े सफलता, नेशनल हाईवे के लूटेरा गिरोह गिरफ्तार

अंजोर
0
दुर्ग.06। दुर्ग भिलाई के नेशनल हाईवे म आन रद्दा रेंगइया मन संग ट्रक ड्राइवर मनला तको लूटे के गजब दिन ले आरो मिलत रिहिसे। ये संबंध म दुर्ग पुलिस ल बड़का सफलता मिले हाबे। ओमन नेशनल हाईवे म ट्रक ड्राइवर मनला लुटइया के पूरा गिरोह ल गिरफ्तार करे हाबे। ये बात के जानकारी ल ट्वीट करत दुर्ग पुलिस के आधिकारिक ट्वीटर म लिखे हाबे के ओमन के पकड़ाए ले दुर्ग भिलाई क्षेत्र के आने-आने 5 मामला के खुलासा तको होए हाबे जेमा ओमन रद्दा रेंगइया मनले मोबाइल लुटे रिहिसे। लूटेरा गिरोह के 4 आरोपी पकड़ म आए हाबे जेमा के एक विधि विरुद्ध बालक गिरफ्तार होइस। उंकर मन ले 6 मोबाइल फोन, 6000 रूपिया समेत तीन ठी चाकू अउ दू ठी मोटरसाइकिल बरामद होए हाबे।


एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !