रायपुर.20। बीपीएल के बाद अब छत्तीसगढ़ सरकार कोति ले सामान्य राशनकार्ड म तको अमृत नून देके सुरूवात होवत हाबे। ये संबंध म खाद्य मंत्री अमरजीत भगत ह नवा रायपुर स्थित नागरिक आपूर्ति निगम के कार्यालय ले नून ले भराये ट्रक ल हरियर झण्डी देखाके रवाना करिन। मुख्यमंत्री श्री बघेल ह सामान्य परिवार मनला तको 10 रूपिया किलो के हिसाब ले प्रति राशनकार्ड अधिकतम 2 किलो नून देके फैसला करे हाबे। नमक वितरण योजना के शुभारंभ मंत्री श्री भगत ह करिन। नागरिक आपूर्ति निगम ह एपीएल राशनकार्डधारी सामान्य परिवार मन खातिर प्रदेश के उचित मूल्य के दुकान म नून पठोवत हाबे। रिफाईण्ड आयोडीन युक्त अमृत नून के वितरण शासकीय उचित मूल्य के दुकान ले करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।