Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

धमतरी रेती घाट म दबंगई के बाद सरकार किहिस इहां माफिया राज बर्दाश्त नइ करन

सीएम बघेल अउ गृहमंत्री दीस सक्त कार्रवाई के निर्देश, 17 आरोपी म 7 गिरफ्तार

धमतरी.20। अवैध रूप ले रेती निकाले के लंबा समे ले शिकायत के बाद भी प्रशासन कोति ले बड़े कार्रवाई नइ करे के सेती गुंडागर्दी के अति होगे रिहिसे। पाछु दिन रेती माफिया मन धमतरी जिला म स्थानीय जनप्रतिनिधी मन उपर जानलेवा हमला करत जबर मारपीट करे हाबे। ये घटना म कुछ आरोपी के गिरफ्तारी तको होए हाबे। प्रशासन के सुस्त रवैया ले आम जनता अउ जनप्रतिनिधी मनके कड़ा ऐतराज के बाद अब सरकार तको सक्ती ले कार्रवाई करे के निर्देश देवत किहिन के छत्तीसगढ़ म माफिया राज बर्दाश्त नइ करन। 
मुख्युमंत्री श्री बघेल कड़ा शब्द म केहे हावे के प्रदेश म चाहे वो रेती के मामला हो या आन कोनो भी माफिया,  प्रकरण मोर संज्ञान म आही तव उंकर विरूद्ध सख्त ले सख्त कार्रवाई करे जाही। ये मामला म अब तक 15 आरोपी म सिरिफ 07 झिन के गिरफ्तारी होए हाबे, बाकी 08 अभी तक बाहर हाबे। घटना के निंदा करत प्रदेश के गृहमंत्री श्री साहू ह धमतरी पुलिस अधीक्षक बी.एस. राज भानु ल दोषी मनला लघियात गिरफ्तार करे के निर्देश दे हाबे।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285