छत्तीसगढ़ म सुरू होइस मुख्यमंत्री सुगम सड़क योजना, शासकीय भवन अउ सार्वजनिक ठउर तक पक्की सड़क

रायपुर.19। मुख्यमंत्री सुगम सड़क योजना के माध्यम ले प्रदेश के सबो शासकीय भवन अउ सार्वजनिक ठउर मन तक पक्की सड़क बनाये जाही। एसो लोक निर्माण विभाग ह ए योजना ले 200 करोड़ रूपिया के लागत म 1116 कार्य कराही। जेमा शासकीय स्कूल, चिकित्सालय, कॉलेज, आंगनबाड़ी भवन, उचित मूल्य के दुकान अऊ आन शैक्षणिक संस्था मनला मुख्य सड़़क ले जोड़े जाही जेकर से आसानी ले बारो महीना लोगन मन आजा सके। योजना के शुभारंभ प्रदेश के मुखिया भूपेश बघेल ह लोक निर्माण मंत्री ताम्रध्वज साहू संग अपन निवास कार्यालय म करिन। ये मउका म मुखिया श्री बघेल ह किहिन के सार्वजनिक स्थल जइसे हाट बाजार, मेला स्थल, धान संग्रहण केंद्र, श्मशान घाट सहिक आन सार्वजनिक उपयोग के केंद्र ल पक्की सड़क ले जोड़े जाही जेकर से अवइया-जवइया मनला गजब सहुलियत होही।