नई दिल्ली.29। जब ले भारत संग चीन ह बरजोरी करे हाबे देश भर म लोगन मन भारी विरोध करत हाबे चाइनीज समान के। लोगन मन कतकोन समान के तो खुदे उपयोग करना बंद कर देवत हाबे। येमा मोबाइल ऐप तको सामिल हाबे। छत्तीसगढ़ के बात करे जाए तव इहां के बड़का सिनेमा कलाकार मन आगूच ले चाइना ऐप टिकटॉक ल डिलीट कर दे हाबे।
अब पीआईबी कोति ले मिले आरो के मुताबिक सरकार ह चीन के 59 मोबाइल ऐप उपर बैन लगाये हाबे। ऐप के सूची जारी करत बताये गे हाबे के सबो ह भारत के संप्रभुता अउ अखंडता, भारत के रक्षा, राज्यत के सुरक्षा अउ सार्वजनिक व्यावस्थाउ बर नुकसान देयक हाबे।
भारत म गजब लोकप्रिय टिकटॉक के बैन के बाद भले लोगन म निराशा होही फेर देश के खातिर सबो राजी होबे करही। टिकटॉक के अलावा जेंडर, एमआई कम्युनिटि, यूसी ब्राउज़र, हेलो, सीएम ब्राउजर, वाइरस क्लीकनर, एमआई वीडियो कॉल, सहित 59 मोबाइल ऐप ल भारत म बैन कर दे गे हाबे।
सरकार ने वह 59 मोबाइल ऐप बैन किए जो भारत की संप्रभुता और अखंडता, भारत की रक्षा, राज्य की सुरक्षा और सार्वजनिक व्यवस्था के लिए नुकसानदेह हैं#59Chinese https://t.co/sgHZKxjsv6— पीआईबी हिंदी (@PIBHindi) June 29, 2020
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।