नई दिल्ली.24। पीएम केयर्स फंड ट्रस्ट ले सबो राज्य0 मनला ल सरकार कोति ले चलत कोविड’19 अस्पताल खातिर 50,000 ‘मेड इन इंडिया’ वेंटिलेटर के आपूर्ति खातिर 2,000 करोड़ रूपिया आवंटित करे गे हाबे। येकर अलावा प्रवासी कामगार मनके कल्याण खातिर 1,000 करोड़ रूपिया के धनराशि तको आवंटित होगे हाबे। ये बात आरो देवत पीआईबी कोति ले बताये गिस के 50,000 वेंटिलेटर म 30,000 वेंटिलेटर एमएस भारत इलेक्ट्रॉनिक्स लिमिटेड बनावत हाबे। अऊ बाकी 20,000 वेंटिलेटर एग्वा हैल्थकेयर 10000, एएमटीजेड बेसिक 5650, एएमटीजेड हाई एंड 4000 अउ एलायड मेडिकल 350 हा बनाही।
अभी तक 2923 वेंटिलेटर बनगे हाबे, जेमा से 1340 वेंटिलेटर म महाराष्ट्र 275, दिल्ली 275, गुजरात 175, बिहार 100, कर्नाटक 90, राजस्थान 75 शामिल हाबे। बताये गे हाबे के जून 2020 के अंत तक सबो राज्य मनला अतिरिक्त 14,000 वेंटिलेटर के आपूर्ति कर दे जाही। येकर अलावा प्रवासी कामगार मनके कल्याण खातिर 1000 करोड़ रूपिया के धनराशि जारी हो चुके हाबे। 2011 के जनसंख्या बर 50 प्रतिशत भार, पॉजिटिव कोविड-19 मामला के संख्या खातिर 40 प्रतिशत भार अउ समान खातिर 10 प्रतिशत के फॉर्मूला के आधार म कोष के वितरण करे जाही।
ये सहायता ल प्रवासी मनके आश्रय, खाना, चिकित्सा उपचार अउ परिवहन व्यवस्था म उपयोग करे जाही। ये धनराशि म पाये हे महाराष्ट्र 181 करोड़ रूपिया, उत्तर प्रदेश 103 करोड़ रूपिया, तमिलनाडु 83 करोड़ रूपिया, गुजरात 66 करोड़ रूपिया, दिल्ली 55 करोड़ रूपिया, पश्चिम बंगाल 53 करोड़ रूपिया, बिहार 51 करोड़ रूपिया, मध्य प्रदेश 50 करोड़ रूपिया, राजस्थान 50 करोड़ रूपिया अउ कर्नाटक 34 करोड़ रूपिया।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।