Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

औरैया सड़क हादसा म 20 ले आगर मजदूर के मउत, केऊ घायल

लॉकडाउन-3 के बाद लगातार मजदूर मन अपन घर कोति जाए म लगगे हाबे। जेन भी साधन मिलत हाबे उही म सवार, साधन नइये तेनो मन रेंगत आवथे। फेर ओकर मन संग दुखद घटना तको होवत हाबे, कोनो सड़क म त कोनो रेल दुर्घटना म मउत के काल म समा जावत हाबे। बपरा गरीब घरों नी जा पावथे। ताजा आरो मिले हाबे के उत्तर प्रदेश के औरैया जनपद म 20 ले आगर मजदूर मनके सड़क हादस म मउत होगे। ये सबो मजदूर मन एक ठी गाड़ी म बइठके घर आवत रिहिसे तभे दिल्ली कोति ले आवत ट्रक ह जोरदार टक्कर मार दिस। हादसा के बाद प्रशासन फेर सावधानी के राग अलापत हाबे। जानबा होवय के सरकार लगातार मजदूर मन ल अपील करत हाबे के पैदल या ट्रक म सफर झिन करो, सरकार सबो ल घर अमराही। अब ये लापरवाही कोन करिस ये तो जांच के विषय आए फेर मजदूर मन संग अइसन दुर्घटना दुखदायी आए। जानकारी मिलते ही मुख्यमंत्री योगी आदित्यनाथ ह सड़क दुर्घटना म प्रवासी कामगार श्रमिक मनके मउत म दुःखद संवेदना व्यक्त करत पीड़ित मनला हर संभव राहत प्रदान करे अउ, घायल मनके समुचित उपचार कराये के संगे-संग दुर्घटना के लघियात जांच करे के निर्देश तको दे हाबे।उप्र.अंजोर.16








कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285