पश्चिम बंगाल.22। पश्चिम बंगाल म आए जबर चक्रवाती तूफान अम्फान के जायजा ले खातिर देश के प्रधानमंत्री श्री नरेन्द्र मोदी ह हवाई दौरा करिन। ये मउका म पश्चिम बंगाल के मुख्यमंत्री सुश्री ममता बनर्जी के अलावा केंद्रीय मंत्री धर्मेन्द्र प्रधान, केंद्रीय राज्य मंत्री बाबुल सुप्रियो, प्रताप चन्द्र सारंगी, सुश्री देबाश्री चौधरी अउ पश्चिम बंगाल के राज्यपाल श्री जगदीप धनखड़ तको हवाई सर्वेक्षण करिस। दौरा के बाद प्रधानमंत्री ह पश्चिम बंगाल म करे जावत राहत अउ पुनर्वास काम के समीक्षा बइठक करिन। अउ श्री मोदी ह तुरते राहत कार्य खातिर पश्चिम बंगाल सरकार ल 1000 करोड़ रूपिया के वित्तीय सहायता के घोषणा करिन। ये मउका म पश्चिम बंगाल के आम जनता संग दुख बाटत ओमन मृतक के परिजन मनला 2 लाख अउ घायल मनला 50,000 रूपिया के अनुग्रह राशि देके घोषणा करे हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।