देस के प्रधानमंत्री ह कोरोना संकट के बेरा म वीडियों कॉन्फेंस करके सबके मनोबल बड़ावत हाबे। पीआईबी के आरो मुताबिक सिरी नरेंद्र मोदी ह खिलाड़ी मन संग गोठबात करिन। ओमन किहिन के ‘कोविड-19’ मानवता के दुश्मन आए। ये महामारी के सेती पहिली बार ओलंपिक गेम्स स्थगित होगे। महामारी ले लड़े खातिर पांच मंतर- संकल्प, संयम, सकारात्मकता, सम्मान अउ सहयोग ल अपन जीवन म उतारना हाबे।
सामाजिक दूरी, सकारात्मक माहौल के संग ये लड़ाई म सबले अगुवा डॉक्टर मनके सम्मान के संगे-संग सबला निजी स्तर म अउ राष्ट्रीय स्तर म आर्थिक योगदान तको करना हाबे। ओमन आयुष मंत्रालय के दिशा-निर्देस ल तको लोकप्रिय बनाये के बात किहिन। ये वीडियो कॉन्फ्रेंस म 40 ले आगर खिलाड़ी मन भाग लिन जेमा भारत रत्न सचिन तेंदुलकर, बीसीसीआई अध्यक्ष सौरव गांगुली, महिला हॉकी कप्तान सुश्री रानी रामपाल, मशहूर बैडमिंटन खिलाड़ी सुश्री पीवी सिंधु, कबड्डी खिलाड़ी अउ हिमाचल प्रदेश पुलिस विभाग म डीएसपी अजय ठाकुर, तेज धावक सुश्री हिमा दास, पैरा एथलीट हाई जम्पर शरद कुमार, शीर्ष टेनिस खिलाड़ी सुश्री अंकिता रैना, धुरंधर क्रिकेटर युवराज सिंह, विराट कोहली शामिल रिहिस। PIB_T/C : 1610612.