छत्तीसगढ़ म मनरेगा के बुता सुरू होगे हावय। लॉकडाउन के बखत म सरकार ह महात्मा गांधी राष्ट्रीय ग्रामीण रोजगार गारंटी योजना के बुता ल सुरू करा के बने करिन। फेर येमा सबले बड़का जोखिम सामाजिक दूरी बनाके काम कराये के होही।
जानकारी के मुताबिक जिहां-जिहां बुता सुरू होहे उहां के कलेक्टर ह भारत सरकार के निर्देश के पालन करे खातिर गांव के सरपंच, सचिव अउ रोजगार सहायक न ताकिद करे हाबे। दूरिहा-दूरिहा म रही अउ नाक मुंह ल तोप के काम करही। काम सुरू होए ले लोगन ल पइसा मिलही अउ जरूरी काम तको उरकही।