देश म सचरे कोरोना राई के सेती लॉकडाउन के बखत म अब थोरिक बने खबर आहे। किसान मन बर फल अउ सब्जी खातिर कोविड स्पेशल मालगाड़ी शुरू करत हाबे भारतीय रेलवे। डीपीआर के मुताबिक किसान मनके उत्पादन सब्जी, फल, मछली, चिकन, अण्डा, अनाज आदि ल बेचे खातिर आन ठउर लेगे बर अब रेल सेवा शुरू होत हाबे।
किसान मन समे अउ शहर के जानकारी प्रिंसिपल चीफ कमर्शियल मैनेजर के मोबाइल 9752475950 म या चीफ कमर्शियल मैनेजर के मोबाइल 9752475903 दक्षिणी पूर्वी मध्य रेलवे बिलासपुर, छत्तीसगढ़ से ले सकत हाबे। येकर अलावा परिवहन ले जुड़े जादा जानकारी खातिर दक्षिणी पूर्वी मध्य रेलवे के हेल्प लाईन नंबर 138 म तको सम्पर्क करे जा सकथे। मालभाड़ा के जानकारी दुरिहा अउ वजन के मुताबिक वेबसाइट म मिलही।
दक्षिण पूर्वी मध्य रेल्वे बिलासपुर के चीफ कमर्शियल मैनेजर ले मिले आरो के मुताबिक वर्तमान में इतवारी से टाटानगर, दुर्ग से कोरबा, दुर्ग से अम्बिकापुर, दुर्ग से छपरा के मध्य मालगाड़ी के संचालन होही जेमा लोगन अपन उपज भेज सकत हाबे। dpr_T/C 250/सी.एल.