कटघोरा म पसरे कोरोना महामारी के सेती अब कोरबा सीमा ले लगे आन जिला मन तको अपन-अपन सीमा म सुरक्षा बढ़ा दे हावय। एक जिला ले दूसर जिला के आवाजाही पूरा बंद कर दे हावय। ये संबंध म जिला के कलेक्टर श्रीमती शिखा राजपूत तिवारी ह गौरेला-पेंड्रा-मरवाही क्षेत्र के दौरा करत गांव वाले मन सो लॉकडाउन के पालन करे अउ शासन-प्रशासन के सहयोग करे के अपील तको करे हाबे।
आगू ओमन किहिन के व्यक्तिगत व सामुदायिक स्वच्छता ल अमल म लानय अउ साबुन ले घेरी बेरी हाथ धोवय, दूरिहा-दूरिहा म राहव। कहू कोनो ल खांसी, जुखाम, बुखार, सर दर्द, बदन दर्द होहय तव तुरते जानकारी देवय।dpr.
गुल्लीडांड के पंचायत सचिव निलंबित
ये मउका म कलेक्टर श्रीमती शिखा राजपूत तिवारी ह जिला के गांव के दौरा करत राशन दुकान मनके तको जायजा लिस। निरीक्षण के दौरान मरवाही विकासखंड के ग्राम गुल्लीडांड म पंचायत सचिव कु. राजकुमारी राज ल जरूरत वाले परिवार मन खातिर 2 क्विंटल चाउर अउ 50 किलो दार के बेवस्था नी करे के सेती तत्काल निलंबित कर दिस।
