लॉकडाउन के बाद ले आन-आन राज म फदके मजदूर मनके अब वापसी खातिर मुखिया श्री बघेल ह कोशिश करत हाबे। अउ जेन मन छत्तीसगढ़ म फंसगे हावय ओमन ल उंकर राज्य के मेड़ो तक अमराये के बेवस्था तको करे जाही।
जब सरकार के एक प्रयास ले राजस्थान के कोटा म पढ़ाई करे बर गे लइका मन वापिस आगे तब मजदूर मन खातिर तको कोनो न कोनो रद्दा निकलबे करही सरकार अइसे आकब हाबे। जानबा होवय के वापिस छत्तीसगढ़ आये के बाद ओमन ला शासन के केहे मुताबिक रेहे बर परही। जेन आन राज्य के मजदूर मन छत्तीसगढ़ के रद्दा ले अपन राज्य जाही ओमन खातिर मेड़ो म बने जॉच चउकी म पंजीयन कराये बर रूके ल परही, उहां उंकर बर भोजन-पानी के तको बेवस्था रइही।