‘पढ़ई तुंहर दुआर’ पोर्टल ले ऑनलाइन होही पढ़ाई : छत्‍तीसगढ़ सरकार

अंजोर

छत्तीसगढ़ प्रदेश सरकार ह लइका मन के पढ़ई के नकसानी ल देखत अब एक अऊ नवाचार के शुरूआत करिन। लॉकडॉउन के सेती न तो परीक्षा हो पाइस अउ न पढ़ाई-लिखाई अइसन म अब छत्तीसगढ़ स्कूल शिक्षा विभाग ह डिजिटल तकनीक के माध्यम ले लइका मनके पढ़ाई कराये के जोंगे हावय।


डीपीआर के मुताबिक ऑनलाईन वेब पोर्टल 'पढ़ई तुंहर दुआर' के शुभारंभ प्रदेश के मुखिया भूपेश बघेल जी ह करत तिल्दा के कक्षा आठवीं लइका दामिनी अउ पाटन विकासखण्ड के सेलूद प्राथमिक शाला के शिक्षक मिलिंद ले आनलाइन गोठबात तको करिन। ये पोर्टल के माध्यम ले लइका मन घरे ले वीडियो कान्फ्रेंसिंग के माध्यम ले आन लइका के संगे-संग अपन गुरूजी मन संग तको जुड़ही। आज अधिकांश लइका के घर म मोबाइल हाबे ओमन फोटक-फोटक गेम म समे बितावत रथे ओकर ले बने तो ओमन 'पढ़ई तुंहर दुआर' म मनोरंजक ढंग ले पढ़ई करही। छत्तीसगढ़ शासन के स्कूल शिक्षा विभाग के ऑनलाईन पढ़ाई वेबसाइट cgschool.in म कक्षा पहिली ले दसवी तक के लइका मनके पठन सामग्री उपलब्ध कराय गे हावय। आगू येमा कक्षा 11वीं अउ 12वीं के लइका मन बर तको सुविधा उपलब्ध हो जही। ऑनलाईन शिक्षा सुविधा के तहत लइका मन बर पोर्टल म पीडीएफ फार्मेट म पाठ्य पुस्तक, ऑडियो अउ वीडियो लेसन के अलावा अउ बहुत अकन अऊ सुविधा उपलब्ध हाबे। ये मउका म स्कूल शिक्षा मंत्री प्रेमसाय सिंह टेकाम, स्कूल शिक्षा विभाग के प्रमुख सचिव आलोक शुक्ला, संचालक लोक शिक्षण संस्थान जितेन्द्र कुमार शुक्ला विशेष रूप ले उपस्थित रिहिन।

‘पढ़ई तुंहर दुआर’ के सुविधा- घर बैठे पढाई, 100% सफलता, वीडियो लेसन, मजेदार शैक्षणिक खेल और गतिविधियां, टी. एल. एम., होम वर्क, इंटरैक्टिव ऑनलाइन क्लास रूम। 

‘पढ़ई तुंहर दुआर’ वेब पोर्टल म कइसे पंजीयन करन- वेबसाइट cgschool.in म जायेगा के बाद दू आपसन आही एक विद्यार्थि पंजीयन अउ दूसर शिक्षक पंजीयन ओकर बाद मोबाइन नंबर, नाम ईमेल, जिला अउ पता ल भरे के बाद पासवर्ड दर्ज करके आसानी ले पंजीयन करे जा सकथे।DPR_T/C

#buttons=(Accept !) #days=(20)

Our website uses cookies to enhance your experience. Check Now
Accept !