कोरोना महामारी ले दुनिया म त्राही-त्राही मचे हावय। न जाने कतका जीव लेहे के बाद थिराही। संकट के बेरा म लोगन मन अपन-अपन भलमनसी म लगे हावय। कोना चाउर-दार बाटत हाबे त कोनो दवई। येकरे संग जेन रूपिया पइसा म सामरथ हाबे तेन म उचित के दान आर्थित सहयोग तको करत हाबे।
छत्तीसगढ़ के मुख्यमंत्री सहायता कोष म पूर्व मंत्री अउ वर्तमान म रायपुर दक्षिण के विधायक बृजमोहन अग्रवाल जी ह 51 लाख रूपिया दान करे हाबे। कोरोना के सेती देशबंदी म काकरो काम-बुता नी चलत हाबे, गरीब मन लांघन-भूखन हाबे। अइसन के संकट के बेरा म सांसद, विधायक, समाजसेवी संस्था, अधिकारी-कर्मचारी, उद्योगपति अउ आम जनता ल सहयोग बर सरकार ह अपील करत सबो के आभार मानत हाबे।DPR_T/C
