छत्तीसगढ़ माध्यमिक शिक्षा मण्डल ह हाईस्कूल अउ हायर सेकण्डरी के परीक्षा जेला कोरोना के सेती रोक दे रिहिस। बाद म फेर परीक्षा ले खातिर शिक्षा मंडल कोती ले 4 मई अउ 8 मई के दिन ल करार कर दे गे रिहिसे।
आरो मिले हाबे के अब उहू तारीख म 10वीं, 12वीं के रूके परीक्षा नइ होवय। ये बात के जानकारी देवत छत्तीसगढ़ माध्यमिक शिक्षा मण्डल के सचिव बताये हाबे के नोवेल कोरोना वायरस (कोविड-19) ल धियान म राखत लॉकडाउन के बाद जोंगे रेहेन फेर अब महामारी के चिंता ल देखत अवइया नवा तारीख अऊ जानकारी तक 10वीं, 12वीं के परीक्षा स्थगित रही। नवा समय-सारिणी बाद म घोषित करे जाही।
