एकीकृत महिला अउ बाल विकास विभाग कोति ले संचालित ग्राम, मजरा टोला के आंगनबाड़ी मन अब कोरोना संकट के सेती बंद हावय। अइसन म आंगनबाड़ी कार्यकर्ता मन अपन-अपन बस्ती म हिटग्राही मनला घरों-घर जाके रेडी-टू-ईट अउ सूखा राशन बाटत हाबे।
संगे-संग गृहभेट करत कार्यकर्ता मन हा नोवल कोरोना वायरस कोविड 19 के जानकारी देवत सावधानी ल तको बतावत हाबे। लॉकडाउन के पालन करत घरे म रहना हाबे, साबुन से हाथ धोना हाबे, बिगर मुंह अउ नाक तोपे घर ले नइ निकलना हाबे। अउ कोनो परेसानी होय म तुरते सरकारी हेल्प लाइन म आरो करना हाबे।