बेमेतरा। नोबल कोरोना वायरस कोविड 19 के संक्रमण ल देखत बेमेतरा जिला के नगरीय सीमा म 3 मई तक धारा 144 लागू रही। राज्य सरकार के निर्देशानुसार घोषित लॉकडाउन म कुछ छूट सर्शत दिये गे हावय।
मिले आरो के मुताबिक बेमेतरा कलेक्टर ह निर्देश देवत बिहाव अउ मरनी के कार्यक्रम खातिर अनुमति बर संबंधित क्षेत्र के अनुविभागीय अधिकारी राजस्व ल जिम्मा सौपे हावय। यहू बात के जानबा होवय के अधिकारी मनला अनुमति बर ये बात सुनिश्चित करे बर परही के सोशल डिस्टेंसिंग के पालन होवय, जुरियाए सबो झिन मास्क के उपयोग करय। कोनो भी आयोजन म 20 ले आगर मनखे झिन सामिल होवय। रेडियो बाजा उक नी बजाने हाबे। येकर अलावा कार्यक्रम के जानकारी संबंधित थाना म खंचित देहे बर परही।
