अनिकृति चौहान का करत हे फुरसत के बेरा म जानव सोशल मीडिया ले

अंजोर
देशबंदी के बाद सबो कोति के काम-बुता बंद होगे हावय। तब भला सिनेमा के काम कइसे चलही। हो सकथे लॉकडाउन खुले के बाद तको कई दिन या महीना तक देश म आर्थिक मंदी के दौर रही। सिनेमाघर शुरू होए के बाद कोन से फिलिम लगही अउ कतका आदमी अतेक जबर पीरा के बाद मनोरंजन करे बर आही यहू सवाल अहम होही।


खैर बखत ह सबो घाव ल भर देथे। आव देखथन अभी सिनेमा के कलाकार मन अपन-अपन घर लॉकडाउन होके कइसे काटत हाबे बखत ल। आज छालीवुड म सबले जादा नाम कमाने वाली नायिका म अनिकृति चौहान के नाव आगू आथे। कुछ दिन पहिली ही ओकर हंस झन पगली फस जबे अउ तै मोर लव स्टोरी रिलीज होए ​रिहिस। अब केउ ठी फिलिम के शूटिंग अउ डबिंग के काम कोरोना के सेती फदक गे हावय। 
अनिकृति चौहान आजकल घर म लॉकडाउन के पालन करत रिकिम-रिकिम के सोशल मीडिया बर वीडियो बनात हाबे अउ ओला शेयर करत हाबे। पाछू दिन ओमन कोरोना के जागरूकता बर तको पोस्ट शेयर करे रिहिन हाबे। ये अंतराल म अनिकृति चौहान के फेसबूक, इंस्टाग्राम के अलावा टिकटॉक म तको घातेच अकन बढ़िया-बढ़िया वीडियो शेयर होय हाबे। 
अनिकृति चौहान के एक टिकटॉक अकाउॅंट म तो 4.9 लाख लाइक अउ 255.3 हजार फॉलोवर होबे जेमा ओमन 72 वीडियो डारे हाबे। अइसने इंस्टाग्राम के आधिकारिक अकाउॅंट म 221 पोस्ट अउ 72.4 हजार फॉलोवर ये बताथे कि छत्तीसगढ़ के कलाकार मनके कतक मयारू दर्शक हाबे।

अनिकृति चौहान के इंस्टाग्राम लेटेस्ट अपडेट



A post shared by Anikriti Chowhan (@anikritichowhan06official) on


#buttons=(Accept !) #days=(20)

Our website uses cookies to enhance your experience. Check Now
Accept !