मुख्यमंत्री भूपेश बघेल हादसा ले दुखी, स्थानीय प्रशासन करही जांच
अंजोर.ए। बस्तर संभाग के
जिला जगदलपुर ले थोरकेच दुरिहा के देउरगांव के मंदिर म विस्फोट के आरो जइसे ही
प्रदेश के मुखिया ल होइस होमन तुरते जानकारी लेवत किहिन के घटना ले महू दुखी हाबवं
अउ जेन लइका के जान चले गे ओकर परिवार संग मोर पूरा सहानुभूति हावय येकर संगे-संग
जेन मन घायल होय हाबे ओहू मन लघियात बने हो जाए।
नक्सल इलाका होए के सेती
लोगन डर्राय हाबे फेर अइसे जानकारी मिले हावय के देउरगांव के मंदिर म कोनो प्रकार
के विस्फोट समान के आरो नइ मिले हावय। धमाका ह कचरा ले होय हाबे अउ से संबंध म स्थानीय
प्रशासन जांच करके आगू अवगत कराही धमाका के कारण ल। ये घटना म एक लइका मउत अउ संग
तीन आदमी घायल होय हाबे जेकर मनके इलाज चलत हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।