पत्रकार, वकील अउ डॉक्टर मन बर बनही विशेष सुरक्षा कानून

Bhupesh baghel

छत्तीसगढ़। प्रदेश के नवा मुखिया श्री भूपेश बघेल ह अपन घोसना पाती के सबो बिन्दु ल ओसर पारी अमल म लाये के जबर प्रयास म लगगे हावय। किसान मनके कर्जा माफी अउ समर्थन मुल्य के बाद प्रदेश म काम करत पत्रकार, वकील अउ डॉक्टर मनके सुरक्षा खातिर कानून बनाये के तियारी म जुटगे हावय। ये संबंध म ओमन मंत्रालय म अधिकारी मनके बइठका लेके गंभीरता ले प्रयास करे के निर्देश दे हावय।

एजेंसी से मिले जानकारी के मुताबिक मुखिया जी ह नक्सल समस्या के हल निकाले खातिर वार्ता  के रद्दा निकाले हावय। नक्सल प्रभावित पंचायत मन ल विकास खातिर एक-एक करोड़ राशि देके वादा तको करे हावय। येकर अलावा प्रत्येक पुलिस थाना म एक महिला प्रकोष्ठ होही जेन महिला मनके अपराध के स्वतंत्र जांच करही। पुलिस कल्याण योजना के तहत पुलिस कर्मी मनला तको साप्ताहिक अवकाश, चिटफंड कम्पनी ले पइसा वापसी जइसन बुता म गंभीरता ले कार्ययोजना बनाए के निर्देश बइठका म अधिकारी मन ल देगे हावय।