मीजल्स-रुबेला टीकाकरण फेर होवथे तियारी

मीजल्स-रुबेला के टीका नौ महीना ले पंद्रह साल के लइका ल लगही

रायपुर। स्वास्थ एवं परिवार कल्याण विभाग डहर ले प्रदेस म मीजल्स रुबेला टीकाकरण महा-अभियान के फेर तियारी सुरू होवत हाबे। जेन म नौ महीना ले 15 साल तक के लइका मनला टीका लगाये जाही। प्रदेस भर म ये अभियान ह 6 अक्टूबर ले 19 दिसंबर तक चलही। 

आयुक्त स्वास्थ्य विभाग ह सबो जिला कलेक्टर डहर ले शिक्षा विभाग, स्वास्थ्य विभाग, महिला अउ बाल विकास विभाग, पंचायती राज विभाग, आदिम जाति कल्याण जइसे आन विभाग के संगे संग पराइवेट स्कूल मन ल तको पालक मन ले गोठबात करके अभियान ल सफल बनाये खातिर बने काम करे के निर्देस दे हावय।