रायपुर। केंन्द्रीय रेल मंत्री पीयूष गोयल और छत्तीसगढ़ के मुख्यमंत्री डॉ. रमनसिंह ह कोरबा जिला के हरदीबाजार म प्रदेस के नवा रेल लाइन के सौगात दीस। रमन सरकार के अटल विकास यात्रा के जलसा म जुरियाए जनता मन के आगू 09 हजार 952 करोड़ रूपिया के लागत ले बनइया 345.5 किलोमीटर लम्बा नवा रेल लाईन परियोजना के सिलानियास करे गिस। जलसा म कटघोरा-मुंगेली-कवर्धा ले होके डोंगरगढ़ तक 5950 करोड़ रूपिया के लागत ले 255 किलोमीटर लंबा स्वीकृत नई रेल लाईन परियोजना खातिर संयुक्त भागीदारी अनुबंध पाती म हस्ताक्षर करे गीस।
ईस्ट-वेस्ट रेल कारीडोर परियोजना के गेवरा रोड ले पेंड्रा रोड तक 135.3 किलोमीटर नई रेल लाईन। धरमजयगढ़ ले कोरबा तक 63 किलोमीटर नई रेल लाईन। कोरिया जिला के चिरमिरी-नागपुर रोड हाल्ट तक 17 किलोमीटर की नवा रेल लाईन। ये लाइन बने के बाद अंबिकापुर ले बिलासपुर दुर्ग अउ अनूपपुर-जबलपुर रूट चलइया रेलगाड़ी चिरमिरी होके जाही।
कटघोरा-करतला-मुंगेली-कवर्धा ले खैरागढ़ होवत डोंगरगढ़ तक 255 किलोमीटर नई रेल लाईन बिछही। ये मउका म कोरबा के आम जनता के अलावा अमर अग्रवाल, संसदीय सचिव लखनलाल देवांगन, सांसद कोरबा डॉ. बंशीलाल महतो, सांसद बिलासपुर लखनलाल साहू मन तको जुरियाए रिहिन हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।