'रामायण' म सीता के किरदार बर साई पल्लवी अपनाइन मेडिटेशन के रद्दा, कहिन- "ये सिरिफ फिल्म नइ, बल्कि इतिहास हरे!"

रायपुर, 10 नवंबर 2026: फिल्म जगत के जाने-माने अभिनेत्री साई पल्लवी ह फिल्म 'रामायण' म सीता माता के पवित्र किरदार म नजर आवत हावय। ए किरदार ल निभाना ओखर बर सिरिफ एक ठन फिल्म म काम करई भर नहीं, बल्कि एक बहुत बड़े अउ जिम्मेदारी के काम हरे। साई पल्लवी ह बताइन कि ए सम्मानित किरदार ल पूरा गरिमा के साथ परदा म उतारे बर ओमन मेडिटेशन (ध्यान) के सहारा लीन हावय। ओखर मानना हावय कि ये फिल्म सिरिफ एक ठन सिनेमाई अनुभव नइ होही, बल्कि इतिहास के एक अइसन हिस्सा बनही, जेला आवइया पीढ़ी मन घलो देखहीं।

'कौन बनेगा करोड़पति' म साई पल्लवी साझा करिन अनुभव

देसी फिल्म मनके बात करत हुए साई पल्लवी ह हाल ही म लोकप्रिय क्विज रियलिटी शो 'कौन बनेगा करोड़पति' (KBC) म पहुँचे रिहिन। इहाँ ओमन शो के होस्ट अउ मेगास्टार अमिताभ बच्चन के संग बातचीत करत, सीता के किरदार निभाय के अपन तइयारी के बारे बड़ विस्तार ले गोठबात करिन। ओमन कहिन कि ए भूमिका ल लेके ओखर मन म बड़ सम्मान अउ जिम्मेदारी के भाव रिहिन। ओमन चाहत रिहिन कि ए किरदार ल निभाय के बेरा कोनो किसम के बाधा झन आवे अउ ओमन एला पूरा गरिमा के संग परदा म उतार सकें।

साई पल्लवी ह कहिन, "ए किरदार बर मैं सिरिफ प्रार्थना करेंव। मैं भगवान ले इही माँगेव कि एला निभाय के बेरा मोर सामने जतका भी मुसकिल आवत हवय, ओ सब दूर हो जावय। हमन जो फिल्म बनावत हन, वो सिर्फ एक ठन फिल्म नी हरे, बल्कि इतिहास के हिस्सा घलो बनही। आवइया पीढ़ी अउ भविष्य के लोगन मन घलो एला देखहीं। ओ समय हमन म ले कोनो इहाँ नइ रहिही, फेर फिल्म रही। एखर सेती ओ किरदार म गरिमा होय के चाही। एही सेती मैं ए भूमिका बर सिर्फ प्रार्थना करत रहेंव।"

थिएटर शो के चर्चा करत हुए साई पल्लवी ह कहिन, "असल म मेडिटेशन नइ करे के सेती मोर मन म अउ जियादा विचार आवे लगथे। एखर सेती माता सीता के किरदार निभावत बेरा घलो मैं ज्यादातर मेडिटेशन करत रिहेंव। ए भूमिका ले मैंने सीखेँव कि जब कभी आप कोनो तनावपूर्ण स्थिति म होवंव, तो ओखर ऊपर तुरंत प्रतिक्रिया देय के बजाय ओला सिरिफ देखे अउ समझे चाही। जब कभी मोर सामने कोनो मुश्किल या तनावपूर्ण स्थिति आवत रिहिन, तो मैं सोचत रिहेंव कि माता सीता अइसन परिस्थिति म कइसे प्रतिक्रिया देही। मोला लागथे कि ओखर किरदार ले मैं इही सबसे बड़े बात सीखे हॅंव।"

अंजोर: छत्तीसगढ़ी समाचार

संपादक/अनुवादक-जयंत साहू 9826753304