निजी स्कूल मन के मनमानी अब नइ ही: मुख्यमंत्री विष्णु देव साय

रायपुर, 9 अप्रैल 2026 । छत्तीसगढ़ के मुख्यमंत्री विष्णु देव साय ह प्रदेश के निजी स्कूल (Private Schools) मन ल कड़ा सब्द मन म चेतावनी दे हें। मुख्यमंत्री ह साफ कहि दे हें कि लइका मन के पढ़ाई-लिखाई के नांव म अभिभावक मन ऊपर कोनो भी किसम के मनमानी या नाजायज दबाव बर्दाश्त नइ करे जाही।

अभिभावक मन झन डरवावन, सरकार ह ओमन के संग हे

रायपुर म आयोजित एक कार्यक्रम के दौरान जब पत्रकार मन ह निजी स्कूल मन द्वारा फीस बढ़ाय अउ अउ कोनो दूसर मनमानी के सवाल पूछिन, त मुख्यमंत्री ह कहिन:-

"प्रदेश मा अइसन कोनो भी काम ला बर्दाश्त नई करे जाय जेकर से जनता ला तकलीफ होवय। अभिभावक मन बिल्कुल निश्चिंत रहंय, हमर सरकार निजी स्कूल मन के मनमानी रोके बर कड़ा कदम उठावत हे।"

नियम तोड़े म होही कड़ा कार्रवाई

मुख्यमंत्री श्री साय ह स्पष्ट निर्देश दे हें कि:-

• शिकायत के जांच: यदि कोनो स्कूल के खिलाफ नियम विरुद्ध काम करे के शिकायत मिलही, त ओकर तुरंत जांच करे जाही।

• कठोर दंड: नियम के उल्लंघन करइया स्कूल मन के खिलाफ कठोर कानूनी कार्रवाई अउ आर्थिक दंड घलो लगाय जा सकत हे।

• पारदर्शिता: शिक्षा व्यवस्था म पारदर्शिता लाय बर सरकार ह लगातार नजर बनाय हुए हे।

आर्थिक बोझ ला कम करे के कोसिस

अक्सर देखे बर मिलथे कि नवा सत्र (Session) चालू होवत ले निजी स्कूल मन ह वर्दी (Uniform), किताब अउ डोनेशन के नांव म अभिभावक मन ऊपर दबाव बनाथें। एखर ऊपर मुख्यमंत्री ह कहिन कि- "कोनो भी लइका के महतारी-बाप ऊपर आर्थिक बोझ डालना स्वीकार नइ हे।" राज्य सरकार के प्राथमिकता हे कि प्रदेश के हर लइका ला सही अउ किफायती शिक्षा मिलय।