छत्तीसगढ़ी फिलिम 'मैं राजा सुपरस्टार' में घनश्याम वर्मा अउ उपासना वैष्णव के खुबसूरत अदाकारी

छत्तीसगढ़ी सिनेमा कलाकार: नितिन दुबे, एल्सा घोष, उपासना वैष्णव, घनश्याम वर्मा

अंतरा फिल्म प्रोडक्शन रायपुर के बैनर तरी बनत छत्तीसगढ़ी फिलिम 'मैं राजा सुपरस्टार' (Main Raja Superstar) के निर्देशन संतोष सिंह ठाकुर करे हावय अउ एकर निर्माता अजय तिवारी अउ राजेश दुबे हावय। फिलिम म अहम किरदार म नजर आही छत्तीसगढ़ी गीत-संगीत के दुनिया म मेलेडी किंग के नाम ले मशहूर नितिन दुबे अउ एल्सा घोष। येकर अलावा उपासना वैष्णव, घनश्याम वर्मा अउ डॉ. अजय सहाय के तको दमदार भूमिका हावय।

चरित्र कलाकार मन के जादू: घनश्याम वर्मा अउ उपासना वैष्णव

छॉलीवुड म हीरो हिरोइन जतके क्रेज चरित्र कलाकार मनके तको हावय। सिनेमाघर म फिलिम देखे कर जाबे तो फिलिम के हीरो-हिरोइन बदल रिथे, फेर चरित्र कलाकार मनके सिरिफ नाम अउ सवांगा बदलथे। पुरूष चरित्र कलाकार कोनो म भाई तो कोनो म बाप, इही रकम ले महिला चरित्र कलाकार कोनो म बहिनी, तो कोनो म महतारी के रूप म रिथे। अउ सबले खास बात ओमन सबो फिलिम म अपन किरदार म के दम म दर्शक मनके दिल म जगह बना लेथे ये बहुत बड़े बात आए।

'मैं राजा सुपरस्टार' में घनश्याम वर्मा अउ उपासना वैष्णव के बहुत अच्छा किरदार हावय, उपासना ह नितिन के मां के किरदार म नजर आही। इही रकम ले घनश्याम वर्मा तको खास भूमिका म दिखही। जेन कलाकार मन रंगमंच, लोकमंच ले सिनेमा म आए रिथे ओमन किरदार के मुताबिक खूब मेहनत करके पात्र ल जीवंत कर देथे।

• घनश्याम वर्मा: ओमन बहुत अकन पारंपरिक फिल्म म काम कर चुके हावय, खासकर हास्य अंदाज म ओमन दर्शक के मया दुलार पाथे।

• उपासना वैष्णव: छत्तीसगढ़ी सिनेमा में उपासना वैष्णव एक स्थापित नाव हे जेन छॉलीवुड के महतारी के रूप म जाने जाथे। छत्तीसगढ़ी के अलावा ओमन भोजपूरी म तको अभिनय करे हावय, केहे जाथे के ओमन छॉलीवुड के हर दूसरा फिलिम म नजर आथे।

नितिन दुबे अउ एल्सा घोष के जोड़ी पहली बार नवा अंदाज में

छत्तीसगढ़ी संगीत ल एक नवा ऊँचाई म पहुँचाए के बाद, नितिन दुबे अब बतौर नायक (Hero) छत्तीसगढ़ी सिनेमा म कदम रखत हें। नितिन दुबे के गायकी न सिरिफ छत्तीसगढ़ बल्कि सीमावर्ती राज्य म तको खूब चर्चित रिथे। अब दर्शक मन ल अगोरा हे कि गायकी के सुपरस्टार, अभिनय के मैदान म कतका दिल जीत पाथे।

फिल्म 'मैं राजा सुपरस्टार' म नितिन दुबे के संग मुख्य भूमिका म नजर आही खूबसूरत अदाकारा एल्सा घोष। एल्सा ह अब छत्तीसगढ़ी सिनेमा म अपन एक खास पहचान बना चुके हावय अउ ओकर कई फिल्म मन सुपर हिट साबित होए हाबे।

• छत्तीसगढ़ी फिल्म- 'मैं राजा सुपरस्टार'
• प्रोडक्शन- अंतरा फिल्म प्रोडक्शन रायपुर 
• निर्देशक- संतोष सिंह ठाकुर
• निर्माता- अजय तिवारी, राजेश दुबे
• कलाकार- नितिन दुबे, एल्सा घोष, उपासना वैष्णव, घनश्याम वर्मा, डॉ. अजय सहाय
• भाषा- छत्तीसगढ़ी
• प्रदर्शन- 2026 अनुमानित

फिल्म अभिनेत्री एल्सा घोष, अभिनेता/ गायक नितिन दुबे

छत्तीसगढ़ी सिनेमा कलाकार: घनश्याम वर्मा, उपासना वैष्णव

छत्तीसगढ़ी सिनेमा कलाकार: डॉ. अजय सहाय, उपासना वैष्णव

छत्तीसगढ़ी सिनेमा कलाकार: घनश्याम वर्मा, उपासना वैष्णव

छत्तीसगढ़ी सिनेमा कलाकार: घनश्याम वर्मा, उपासना वैष्णव, हेमंत निषाद आदि

छत्तीसगढ़ी सिनेमा कलाकार: घनश्याम वर्मा, उपासना वैष्णव, हेमंत निषाद आदि

छत्तीसगढ़ी सिनेमा कलाकार: घनश्याम वर्मा, एल्सा घोष

छत्तीसगढ़ी सिनेमा कलाकार: नितिन दुबे, एल्सा घोष, उपासना वैष्णव, घनश्याम वर्मा